2018-12-10

8 синф ўқувчиси “Spark” автомашинаси соҳиби бўлди

“Ёш китобхон” кўрик-танловининг 10-14 ёш тоифаси бўйича якуний босқичи ғолиби аниқланди. Бу ҳақда Ёшлар Иттифоқи хабарномасида маълум қилинган.

Қайд қилинишича, танловда 14 нафар йигит-қиз ўзаро беллашди.

Малакали мутахассислар томонидан баҳолаб борилган танлов Президент совғасининг эгаси, энг яхши китобхонни аниқлаб берди. Унда Пахтачи туманидаги 24-умумтаълим мактабининг 8-синф ўқувчиси Маҳлиё Ўроқова ғолиб деб топилиб, “Spark” автомобилини қўлга киритди.

Мазкур танловда иккинчи ўрин тошкентлик Салоҳиддин Қаҳҳоровга насиб этган бўлса, 3-ўринни фарғоналик Дилрабо Ўткирова эгаллади.